જીવનશૈલીની માહિતી
ગર્ભાવસ્થા દરમિયાન તમારી ભાવનાત્મક સુખાકારીમાં સુધારો
એવું લાગી શકે કે બીજા બધા જ ખુશ છે અને દરેક પરિસ્થિતીનો સામનો કરી રહ્યા છે, પણ એવું નથી કે એ લોકો એવું કરી રહ્યા છે, ઘણી મહિલાઓને ગર્ભાવસ્થામાં ઓછું લાગે છે, પરંતુ ઘણી મહિલાઓ જે નિરાશા અનુભવે છે અને તેને છુપાવી શકે છે.
તમારી ભાવનાત્મક સુખાકારીને સુધારવા માટે અહીં કેટલીક ટીપ્સ આપી છે:
ગર્ભાવસ્થા યોજનામાં આરોગ્ય અને સુખાકારી
તમારી ભાવનાત્મક અને શારીરિક જરૂરિયાતોને ઓળખવામાં તમારી સહાય કરવા માટે આ ઍપના વ્યક્તિગત સંભાળ અને સહાયક યોજના વિભાગમાં ગર્ભાવસ્થા યોજનામાં આરોગ્ય અને સુખાકારીનો ઉપયોગ કરો. તમારી પ્રસૂતિ પહેલાની મુલાકાત વખતે તમારી દાયણ અથવા ડૉક્ટર સાથે તમારી યોજનાની ચર્ચા કરો.
વધુમાં, તમને નીચેની લિંક ઉપયોગી લાગી શકે છે.
ગર્ભાવસ્થામાં આરોગ્ય અને સુખાકારી
ઉડ્ડયન (હવાઈ જહાજમાં મુસાફરી)
ઉડ્ડયન તમારા અથવા તમારા બાળક માટે હાનિકારક નથી, પરંતુ પ્લેનમાં મુસાફરી કરતાં પહેલાં તમારી દાયણ અથવા ડૉક્ટર સાથે તમારી ગર્ભાવસ્થા વિશે ચર્ચા કરવી મહત્વપૂર્ણ છે.
37 અઠવાડિયા પછી પ્રસૂતિ થવાની સંભાવના વધારે છે અને કેટલીક એરલાઇન્સ તમને ગર્ભાવસ્થાના અંતમાં ઉડાન ભરવા દેતી નથી. આ વિશે સીધી એરલાઇનમાં તપાસ કરો. ગર્ભાવસ્થાના 28મા સપ્તાહ પછી, એરલાઇન તમારા GP પાસેથી તમારી નિયત તારીખની પુષ્ટિ કરતો અને તમને ગૂંચવણોનું જોખમ નથી એ દર્શાવતો પત્ર માંગી શકે છે.
લાંબા અંતરની મુસાફરીમાં લોહીના ગંઠાવાનું નાનું જોખમ હોય છે (જેને ડીપ વેઈન થ્રોમ્બોસિસ અથવા ડીવીટી તરીકે ઓળખવામાં આવે છે). તમારા ડૉક્ટર સાથે કોઈપણ લાંબા અંતરની મુસાફરીની ચર્ચા કરો કારણ કે તમને DVT નિવારક દવાઓની જરૂર પડી શકે છે, ખાસ કરીને જો તમારી પાસે અન્ય જોખમી પરિબળો હોય.
જ્યારે હવામાં હોયવ, ત્યારે પુષ્કળ પાણી પીઓ અને નિયમિતપણે કેબિનની આસપાસ ફરતા રહો. તમે દવાની દુકાનમાંથી કમ્પ્રેશન સ્ટોકિંગ્સની જોડી ખરીદી શકો છો, જે DVT ના જોખમને ઘટાડવામાં મદદ કરશે.
ગર્ભાવસ્થામાં વ્યાયામ
વ્યાયામ એ તંદુરસ્ત જીવનશૈલી જાળવવાનો એક મહત્વપૂર્ણ ભાગ છે અને તે ગર્ભાવસ્થામાં સલામત હોવાનું જાણીતું છે.
સગર્ભાવસ્થા એ એક પડકારજનક નવી સ્વાસ્થ્ય પદ્ધતિ શરૂ કરવાનો સમય નથી, પરંતુ જો જરૂરી હોય તો કેટલાક ગોઠવણો સાથે તમારી ગર્ભાવસ્થા પહેલાંનાં સ્તરની પ્રવૃત્તિને જાળવી રાખવી અથવા ચાલવું, તરવું અથવા ગર્ભાવસ્થામાં કરવામાં આવતા યોગાસનો જેવા હળવા પ્રયાસો કરવા માટે સારું છે.
કેટલીક સ્ત્રીઓને લાગે છે કે કસરત તેમને તેમના શરીરમાં થતા શારીરિક ફેરફારો સાથે સંતુલિત કરવામાં મદદ કરે છે, સુખાકારીની ભાવનાને પ્રોત્સાહન આપે છે અને તણાવ, ચિંતા અને હતાશાની લાગણીઓને ઘટાડે છે. વ્યાયામ ગર્ભાવસ્થાની કેટલીક ગૂંચવણોને રોકવામાં મદદ કરી શકે છે અને પગની ઘૂંટી/પગમાંનાં સાજા કરવામાં મદદ કરી શકે છે:
- કસરત ટાળો જ્યાં તમે તમારું સંતુલન ગુમાવી શકો અને તમારી જાતને નુકસાન પહોંચાડી શકો.
- વ્યાયામ દરમિયાન તમે પુષ્કળ પાણી પીતા હોવાની ખાતરી કરો.
- યાદ રાખો કે તમને જન્મ માટે તૈયાર કરતા હોર્મોનલ ફેરફારો તમને વધુ લવચીક બનાવી શકે છે. જો તમને કસરત દરમિયાન તમારી પીઠ અથવા પેલ્વિસમાં દુખાવો થતો હોય, તો તમારે તમારી દાયણ સાથે મહિલાના સ્વાસ્થ્ય ફિઝિયોથેરાપિસ્ટ (અંગવ્યાયામ ચિકિત્સક) ને મોકલવા વિશે વાત કરવી જોઈએ.
- તાણ અથવા ઇજાને ટાળવા માટે કસરત કરતી વખતે શરીરને કસરત માટે તૈયાર કરવા ખાતર ગરમ અને ઠંડુ કરવું મહત્વપૂર્ણ છે.
- જો તમે કસરતનાં વર્ગમાં જતા હોવ, તો તાલીમ-શિક્ષકને જાણ કરવાનું યાદ રાખો કે તમે ગર્ભવતી છો.
- તમારે એવી કસરત ટાળવી જોઈએ જે તમારા શરીરના તાપમાનમાં નોંધપાત્ર વધારો કરે છે જેમ કે ગરમ યોગાસન, જેકુઝી અથવા જ્યારે ગરમી હોય ત્યારે તીવ્ર કસરત.
- એવી ભલામણ કરવામાં આવે છે કે તમે એવી તીવ્રતા સુધી વ્યાયામ કરો કે જ્યાં તમારા હૃદયના ધબકારા અને શ્વાસના ધબકારા થોડા વધે છતાં પણ તમે વાક્યોમાં વાત કરી શકો અને તમને હાંફ નહિં ચઢે.
- ગર્ભાવસ્થા દરમિયાન અઠવાડિયામાં 150 મિનિટની મધ્યમ તીવ્રતાની કસરતની ભલામણ કરવામાં આવે છે.
- જો તમારી ગર્ભાવસ્થામાં કોઈ પરિબળો હોય જે તમારી સગર્ભાવસ્થાને વધુ જોખમ બનાવે છે, તો તમારે ગર્ભાવસ્થા દરમિયાન કસરત કરતાં પહેલા તમારી દાયણ અથવા પ્રસૂતિ વિશેષજ્ઞનો સંપર્ક કરવો જોઈએ.
- જો તમારું શરીર સગર્ભાવસ્થા પહેલા વજન ઉપાડવાની હરીફાઇ(ની રમત) અથવા ઉચ્ચ પ્રભાવની કસરત માટે અનુકૂળ હોય તો તેમાં થોડો સુધારો કરીને તેને ચાલુ રાખી શકાય, જો કે વ્યક્તિગત સલાહ માટે તમારે તમારી મિડવાઇફ (દાયણ) અથવા મહિલાઓના આરોગ્ય માટેના ફિઝિયોથેરાપિસ્ટ (અંગવ્યાયામ ચિકિત્સક) નો સંપર્ક કરવો જોઈએ.
જો તમને કંઈપણ અસામાન્ય અનુભવ થાય, તો તમારે કસરત કરવાનું બંધ કરવું જોઈએ અને તમારી દાયણ અથવા ડૉક્ટરનો સંપર્ક કરવો જોઈએ.
તમારી ગર્ભાવસ્થા દરમિયાન ભાવનાત્મક સ્વાસ્થ્ય
ગર્ભાવસ્થા દરમિયાન માનસિક સ્વાસ્થ્યની સમસ્યા શરૂ થવી એ અસામાન્ય નથી, જો તમને કોઈપણ સમયે નીચે આપેલા કોઈ પણ લક્ષણો હોય, તો શક્ય તેટલી વહેલી તકે તમારી દાયણ અથવા ડૉક્ટર સાથે વાત કરો. જો તમે અસ્વસ્થ હો તો તેઓ મદદ માટે સારવારની વ્યવસ્થા કરી શકે છે.
શું ધ્યાન રાખવું:
- બે અઠવાડિયાથી વધુ સમય માટે, મોટાભાગે અલ્પતા અથવા બેચેની અનુભવો
- તમને સામાન્ય રીતે ગમતી વસ્તુઓમાંથી રસ ગુમાવવો
- ગભરાટ ભર્યા હુમલાઓ
- મહત્વહીન અથવા દોષિત લાગણી
- તમારી ભૂખ ગુમાવવી
- અપ્રિય વિચારો આવતા રહેવા અને તેને નિયંત્રિત નહીં કરી શકવા
- તમારી જાતને વધુ સારું લાગે તે માટે કોઈ ક્રિયા (જેમ કે ધોવું, તપાસવું, ગણવું) નું પુનરાવર્તન કરવું
- શોધવું કે તમારા વિચારો ભાગી રહ્યા છે અને તમે અત્યંત શક્તિશાળી અને ખુશ થઈ જાઓ છો
- એવી લાગણી થવી કે તમે બાળકને જન્મ આપવાથી એટલા ડરો છો કે તમે તેમાંથી જવા નથી માંગતા
- સતત વિચારો કે તમે અયોગ્ય માતા છો અથવા તમે બાળક સાથે જોડાયેલા નથી
- સ્વ-નુકસાન અથવા આત્મહત્યા વિશેનાં વિચારો.
તમારે તમારી દાયણ અથવા ડૉક્ટરને પણ જણાવવું જોઈએ જો તમને ખાવાની વિકૃતિ હોય (અથવા પહેલાં ક્યારેક થઈ હોય) કારણ કે તમને ગર્ભાવસ્થા અને તે પછીના સમયગાળા દરમિયાન તમારા શરીરમાં થતા ફેરફારોનો સામનો કરવા માટે વધારાના સહકારનો લાભ મળી શકે છે.
વિકલાંગતા અને ગર્ભાવસ્થા
વધારાની જરૂરિયાતો/વિકલાંગતા ધરાવતા માતા-પિતા અને ભાવિ માતા-પિતા ઘણીવાર ઘરે અને કામ પર, તેમના સંબંધોમાં અને આસપાસના વાતાવરણ સાથે પોતાની પ્રવૃત્તિઓ કરવામાં સારી રીતે અનુકૂળ થઈ ગયાં હોય છે. પણ ગર્ભાવસ્થા, જન્મ અને વાલીપણાને લગતી પ્રવૃત્તિઓ કરવા માટે તેમને વધુ અનુકૂલનની જરૂર પડી શકે છે. એવો અંદાજ છે કે લગભગ 10% માતા-પિતા લાંબા ગાળાની એવી શારિરીક સમસ્યા ધરાવે છે જેનાં પરિણામે અપંગતા આવી શકે છે અથવા રોજિંદા જીવનમાં અનુકૂલન સાધવું પડી શકે છે.
મેટર્નિટી અને અન્ય સર્વિસિસ માતાપિતા સાથે ભાગીદારીમાં વ્યક્તિગત નિર્ણય લેવાની સુવિધા, સમાન ઍક્સેસ અને ગર્ભાવસ્થા/જન્મ અને વાલીપણા માટેની ગોઠવણો કરવા માટે કામ કરી શકે છે.
તમારા માટે જરૂરી સહકાર મેળવવા માટેની ટિપ્સ:
- પ્રેગ્નન્સી સેલ્ફ-રેફરલ ફોર્મ ભરતી વખતે તમારી વધારાની જરૂરિયાતોની જાણ કરો અને તમારી દાયણને પહેલીવાર મળો ત્યારે આ જરૂરિયાતોની ફરી ચર્ચા કરો.
- પ્રખ્યાત દાયણને તમારી કેર ટીમનો ભાગ બનવાનું કહો. તમારી દાયણને ઓળખવું તમારી જરૂરિયાતો પ્રમાણે કામમાં ભાગીદારી અને વ્યક્તિગત આયોજનની સુવિધાને બહેતર બનાવે છે.
- તમે પોતાને સૌથી વધુ સારી રીતે જાણો છો, તેથી ગર્ભાવસ્થા, જન્મ અને માતૃત્વને બહેતર બનાવવામાં તમને કઈ બાબતો મદદ કરશે તે તમારી દાયણને જણાવો. પ્રેગ્નન્સી વ્યક્તિગત દેખભાળ અને સપોર્ટ પ્લાનમાં કોઈ નવી ગોઠવણ અને બહેતર ઍક્સેસની જરૂરિયાતને હાઈલાઈટ કરીને તેને તમારી દાયણ સાથે મળીને પૂરી કરો.
- જો તમને તમારા ઘર, દેખભાળની જરૂરિયાતો અથવા લાભોનું એસેસમેન્ટ કરવાની જરૂર લાગે, તો સ્વાસ્થ્યને લગતી જરૂરિયાતોના એસેસમેન્ટ માટે સ્વ-રેફરલનો વિચાર કરો.
- જો તમને સાંભળવાની ક્ષતિ હોય, તો બાળકના રડવાની ચેતવણી આપવા માટે વાઇબ્રેટિંગ મેટ જેવા એડેપ્ટિવ ઇક્વિપમેંટ અને સલાહ માટે તમારી લોકલ સેન્સરી ઇમ્પેરમેંટ ટીમનો સંપર્ક કરો.
- ઘર અને માતૃત્વ માટે વધુ સ્પેશિયલાઈઝ્ડ એડેપ્ટિવ સલાહ મેળવવા માટે વ્યવસાયિક થેરપિસ્ટને મળો. લોકલ સોશિયલ સર્વિસિસ ઓક્યુપેશનલ થેરપી(એડેપ્ટિવ ઇક્વિપમેંટ અને ઘરના એડેપ્ટેશન માટે) અથવા કમ્યુનિટી થેરપી ટીમનો સંપર્ક કરો દા.ત. મલ્ટીપલ સ્ક્લેરોસિસ, સ્ટ્રોક અથવા ફંક્શનલ ન્યુરોલોજિકલ ડિસઓર્ડર જેવી ચોક્કસ પરિસ્થિતિઓ માટે અથવા કમ્યુનિટી લર્નિંગ ડિસેબિલિટી ટીમ દ્વારા ન્યુરો-રિહેબિલિટેશન. તમારા જીપી આ રેફરલ્સ કરવામાં તમારી મદદ કરી શકે છે.
- તમે તમારી અથવા તમારા સપોર્ટરની જરૂરિયાતોને સરળ બનાવવા માટે એપોઇન્ટમેન્ટ માટે, પરિવહન અને સ્થળ સુધી પહોંચવા માટે વધુ સમય આપવાની વિનંતી કરી શકો છો.
- જો તમને એપોઇન્ટમેન્ટ સમયે તમારી સાથે કોઈની જરૂર હોય તો જણાવો, એટલે કે બ્રિટિશ સાઇન લેંગ્વેજ (BSL) દુભાષિયા, વકીલ અથવા સપોર્ટિવ સંબંધી. હોસ્પિટલમાં દાખલ થવા દરમિયાન તમે કોને સાથે રાખવા ઇચ્છો છો તે વિશે જણાવો – જેમ કે આસિસ્ટંસ ડૉગ/સહાયક/ઇંટરપ્રિટિંગ સર્વિસ.
- તમને અનુકૂળ કમ્યુનિકેશન મોડની ચર્ચા કરો એટલે કે નાના ભાગોમાં વહેંચેલી માહિતી, મેમરીને ટેકો આપવા માટે મૌખિક સલાહને સપોર્ટ કરવા માહિતી ઇ-મેલ કરવી, મોટી પ્રિન્ટ, સાઇનિંગ એપ્લિકેશન, ઑડિઓ મેસેજિંગ જેવી તકનીકી સહાય.
- એન્ટેનેટલ ક્લાસમાં એક્સેસ વિશે પૂછો. જો તમે સાંભળવાની ક્ષતિ ધરાવતા હો તો BSL દુભાષિયાને સાથે રાખી શકો છો; કોઈ પણ માહિતીને દૃષ્ટિહીન માતાપિતા માટે પણ તૈયાર કરી શકાય છે. દાયણ તમારી જરૂરિયાતોને વ્યક્તિગત ધોરણે તૈયાર કરવા માટે વ્યક્તિગત સેશન માટે સમય ફાળવી શકે છે.
વાતાવરણ:
- જન્મ આપવાનાં અને જન્મ આપ્યા પછી તમારે રહેવાનાં વિસ્તારોની મુલાકાત લેવાથી ક્યાં કોઈ નવી ગોઠવણની જરૂર છે એ સમજવામાં અને એનાથી પરિચિત થવામાં સરળતા રહેશે.
- બર્થિંગ પૂલ, બાથરૂમ, શાવર, પલંગની ઊંચાઈ, એડજસ્ટેબલ પલંગની ઊંચાઈ અને બાળકનાં જન્મ પછી જો જરૂરી હોય તો તમારા રોકાણની સુવિધા માટે એક રૂમની સગવડ વિશે તમારી દાયણ સાથે વાત કરો.
- વાતાવરણને તમારા માટે વધુ અનુકૂળ બનાવે તેવી લાઇટિંગ, ધ્વનિ અથવા તાપમાનની સંવેદનશીલતા અથવા અન્ય પસંદગીઓ વિશે તમારી દાયણને જણાવો.
- જો બર્થ પોઝિશનમાં ફેરફારોની જરૂર હોય તો તેની ચર્ચા કરો.
બેબી કેર વિશે વિચારવું:
- તમારા ઘરની અંદર અને બહારના વાતાવરણ વિશે દાયણને જણાવો.
- બાળકને સૂવાની જગ્યા – શું રાત્રે પથારી સાથે જોડાયેલ ખાટલામાં સૂતેલાં બાળક સુધી પહોંચવાનું સરળ બનશે?
- તમારા રાત અને દિવસના સાધનોની યોજના બનાવો જેમ કે તમારા બેડરૂમમાં અને તમારા લિવિંગ રૂમમાં બાળકને સલામત રીતે સૂવડાવવા માટે મોઝેસ બાસ્કેટ.
- એનર્જી કંઝર્વેશનને ટેકો આપવા દિવસ/રાત્રિનાં બાળકનાં કપડાં બદલવાના સ્ટેશનો (દા.ત. સાદડી અને અન્ય સાધનો)
- બાળકને તેડવું – બાળકને સ્લિંગ પહેરાવવાથી તમારા હાથ મુક્ત રહી શકશે અથવા તમે બાળકને એક રૂમથી બીજા રૂમમાં ખસેડવા માટે ઘરમાં હળવી પુશચેર રાખી શકો.
- બાળકને પ્રવાસે લઈ જવું – તમે પબ્લિક ટ્રાન્સપોર્ટ અથવા કારનો ઉપયોગ કરશો કે ચાલતાં જશો? પુશચેર પસંદ કરતી વખતે તમારી જરૂરિયાતો ધ્યાનમાં લો. વજન, બ્રેક લોકેશન, એક્સેસની સરળતા, એસેમ્બલી અને સ્ટોરેજ એ બાબતો પુશચેરની પસંદગી બાબતે ધ્યાનમાં લેવી જોઇએ.
- શિશુને ફીડ કરવું – તમારી દાયણ સાથે ચર્ચા કરો. બાળકની ફીડિંગ પોઝિશનને સહયતા આપવા માટે સપોર્ટિવ ઇન્ફન્ટ ફીડિંગ પિલોનો ઉપયોગ કરો. તમને પોતાને આરામ અને સપોર્ટ મળે એવી પોઝિશનમાં બેસો. તમે બાળકને ક્યાં ફીડ કરશો? મોડિફાય કરેલી ફીડિંગ પોઝિશન્સ એટલે કે એક હાથે ખવડાવવું અથવા બોટલને પકડી રાખવા માટેનાં સાધનો. જો તમને લાગે કે શરૂઆતના દિવસોમાં બાળકની જરૂરિયાતોને પુરી કરવા માટે તમારૂં દૂધ પૂરતું છે, તો ગર્ભાવસ્થાના છેલ્લા તબક્કે દૂધ એકત્ર કરવા વિશે તમારી દાયણને પૂછો
- જો તમને અતિશય થાક લાગે છે, તો તમારી દાયણ તમને ટિપ્સ આપીને તમારી મદદ કરી શકે છે જેમ કે બાળક જ્યારે સૂઈ જાય ત્યારે સૂવું, ઊર્જા બચાવવાની ટિપ્સ જેમ કે પ્લાનિંગ, પેસિંગ અને પોતાની દેખભાળ અને તમારા બાળકની જરૂરિયાતો પૂરી કરવા તમારે ‘કરવું, વિલંબ કરવો, અન્યને સોંપી દેવું કે છોડી દેવું’ માંથી શેને પ્રાથમિકતા આપવી.
- તમારા સપોર્ટર/પરિવાર સાથે વાત કરીને તેઓ તમને કેવી રીતે મદદ કરી શકે છે તે જાણી લો. ગર્ભાવસ્થા દરમિયાન જ યોજના બનાવો જેથી તમે બાળકના આગમન માટે તૈયાર હોવ. જ્યાં સપોર્ટ મર્યાદિત હોય ત્યાં તમારા માટે અન્ય કઈ સેવાઓ ઉપલબ્ધ છે તે જાણવા માટે તમારી દાયણ સાથે ચર્ચા કરો.
આહાર
ગર્ભાવસ્થામાં પુષ્કળ ફળો, શાકભાજી, કાર્બોહાઇડ્રેટ્સ, પ્રોટીન અને દુધની બનાવટ સહિત તંદુરસ્ત વૈવિધ્યસભર આહારની ભલામણ કરવામાં આવે છે.
તમારે બે માટે ખાવાની જરૂર નથી, પરંતુ તમારે નિયમિત તંદુરસ્ત નાસ્તો લેવાની જરૂર પડી શકે છે કારણ કે તમારું શરીર વધતા બાળકને ટેકો આપવાનું કામ કરે છે. એવા કેટલાક ખોરાક છે જે તમારે ગર્ભાવસ્થા દરમિયાન ટાળવા જોઈએ કારણ કે તે તમને અસ્વસ્થ કરી શકે છે અથવા તમારા બાળકને નુકસાન પહોંચાડી શકે છે. નવા પુરાવાઓ અથવા સંશોધનો મળ્યા હોવાથી કયા ખોરાકને ટાળવો જોઈએ તેનું માર્ગદર્શન બદલાઈ શકે છે.
જો તમે શાકાહારી હોવ તો તમારા લોહતત્વના સ્તરને વધારે હોય તેવો ખોરાક ખાવો મહત્વપૂર્ણ છે, જેમ કે બ્રાઉન બ્રેડ, કઠોળ અને લીલા પાંદડાવાળા શાકભાજી.દુધની બનાવટનો ખોરાક, અથવા ફોર્ટિફાઇડ દુધની બનાવટનાં વિકલ્પો એ પ્રોટીન, વિટામિન B12, કેલ્શિયમ અને ઝીંકનો મહત્વપૂર્ણ સ્ત્રોત છે.
ગર્ભાવસ્થા દરમિયાન ટાળવા લાયક ખોરાક અને પીણાં
મોરિંગાની ચા, રક્ત શુદ્ધિકરણ અને કચરાનાં ઉત્સર્જન માટે વિવિધ સંસ્કૃતિઓ દ્વારા ઉપયોગમાં લેવામાં આવે છે, તેમાં મોરિંગાના મૂળ, છાલ અને ફૂલોમાંથી ખતરનાક રસાયણો હોય છે જે ગર્ભાશયને અકાળે (ખૂબ વહેલું) સંકુચિત કરી શકે છે.
ચાઈ નામની ચા માં રહેલા કેટલાક મસાલા ગર્ભાવસ્થામાં હાનિકારક હોઈ શકે છે. લવિંગનું વધુ પડતું સેવનથી વાઈનાં હુમલા અને આંતરડાનાંરક્તસ્રાવ તરફ દોરી શકે છે. કેમોલી કસુવાવડનું કારણ બની શકે છે.
ક્વિનાઇન, જે ભારતીય શક્તિવર્ધક ઔષધ પાણીમાં જોવા મળે છે, જે પરંપરાગત રીતે પગમાં ખેંચાણ અને મેલેરિયાની સારવાર માટે વપરાય છે, તે જન્મજાત ખામીઓનું કારણ બની શકે છે.
કેરેબિયન ગિનીસ અને પીનટ પંચ જેવા પોષણયુક્ત પીણાં ગર્ભવતી/સ્તનપાન કરાવતી માતાઓ માટે યોગ્ય નથી. આ પીણાંમાં ફોર્ટિફાઇડ વિટામિન્સ અને ખનિજો હોય છે જે દૈનિક ભલામણ કરેલ સેવન મૂલ્યો કરતાં વધી શકે છે.
લીવર અજાત બાળકની આંખોને નુકસાન પહોંચાડી શકે છે અને તેનો વધુ ઉપયોગ કસુવાવડ, અકાળ પ્રસૂતિ અને ગંભીર ખરજવું તરફ દોરી શકે છે. લીવર પરંપરાગત રીતે મરીના સૂપમાં વપરાય છે.
મીઠી ભાત, કેટલીક સંસ્કૃતિઓમાં પરંપરાગત વાનગી તરીકે બનાવવામાં આવે છે, જે સગર્ભાવસ્થાનાં ડાયાબિટીસ તરફ દોરી શકે છે. આના જેવી મીઠી વાનગીઓ સંયમિત રીતે ખાવી જોઈએ.
લાલ માંસ અને સંતૃપ્ત ચરબીયુક્ત ખોરાક, પ્લેટલેટ્સની ઉત્પત્તિ ઘટાડી શકે છે, જે થ્રોમ્બોસાયટોપેનિયા તરીકે ઓળખાતી સ્થિતિ તરફ દોરી જાય છે.
સાયકલ ચલાવવી
ગર્ભાવસ્થામાં સાયકલ ચલાવતા પડવાના જોખમને કારણે સાવધાની રાખવી જોઈએ, જે તમને અથવા તમારા બાળકને નુકસાન પહોંચાડી શકે છે. ગર્ભાવસ્થામાં તમારા સાંધા ઓછા સ્થિર હોય છે, તમારું ગુરુત્વાકર્ષણ કેન્દ્ર બદલાઈ જાય છે અને તમારી પ્રતિક્રિયાઓ ધીમી હોય છે. ગર્ભાવસ્થામાં સાઇકલ ચલાવવાનું ટાળવું શ્રેષ્ઠ છે સિવાય કે તમને નિયમિતપણે સાઇકલ ચલાવવાની આદત હોય.
