પારવો નામનો વાયરસ ખૂબ ચેપી હોય છે અને સામાન્ય રીતે બાળકોને અસર કરે છે. મુખ્ય લક્ષણમાં ચહેરા પર લાલ ફોલ્લીઓ થાય છે. તેની સાથે હળવો તાવ, માથાનો દુખાવો અને ગળામાં દુખાવો પણ હોઈ થઈ શકે છે. જો તમે તમને ગર્ભાવસ્થામાં પરવો નામના વાયરસનો ચેપ લાગે છે તો તે તમારા બાળક માટે હાનિકારક બની શકે છે. જો તમને લાગતું હોય કે તમે પરવો નામના વાયરસના સંપર્કમાં આવ્યા હોવ તો કૃપા કરીને તમારા GP અથવા દાયણ સાથે વાત કરો.
દુર્લભ હોવા છતાં, ગર્ભાવસ્થામાં લિસ્ટરિઓસિસ ચેપ નવા જન્મેલા બાળકોમાં કસુવાવડ, મૃત્યુ અથવા ગંભીર બીમારી તરફ દોરી શકે છે. લિસ્ટેરિયા બિનપાશ્ચરાઇઝ્ડ દૂધમાં અને પેટે સહિત ઘણા ઠંડા ખોરાકમાં જોવા મળે છે.
જો તમને સગર્ભાવસ્થામાં થતો ડાયાબિટીસ, પ્રી-એક્લેમ્પસિયા અથવા ગર્ભાવસ્થાના ઇન્ટ્રાહેપેટિક કોલેસ્ટેસિસના કોઈપણ લક્ષણો હોય તો તરત જ તમારા મેટરનિટી ટ્રાયેજ (પ્રસૂતિ વખતની દેખભાળ)/મૂલ્યાંકન એકમને કૉલ કરો.
આ એક લીવર ડિસઓર્ડર (યકૃતનો વિકાર) છે જે ગર્ભાવસ્થામાં થઈ શકે છે, સામાન્ય રીતે આ રોગ 30 અઠવાડિયાની ગર્ભાવસ્થા પછી થાય છે, પરંતુ ક્યારેક 8 અઠવાડિયાની શરૂઆતમાં પણ થઈ શકે છે, જે દર 140 ગર્ભવતી મહિલાઓમાંથી એકને અસર કરે છે.
લક્ષણોમાં સામેલ હોઈ શકે છે:
સામાન્યપણે યોનિમાર્ગનો સ્રાવ પાતળો, સ્પષ્ટ અથવા દૂધિયો સફેદ અને હળવી ગંધવાળો હોય છે. જેમ જેમ તમારી ગર્ભાવસ્થા આગળ વધે છે તેમ તેમ, આ સ્રાવ સામાન્ય રીતે વધુ ધ્યાનમાં આવે છે, અને તમારી ગર્ભાવસ્થાના અંતે આ સ્રાવ સૌથી વધુ ભારે હોય છે. તમે કદાચ ચડ્ડીમાં સુગંધ વિનાનું કપડું પહેરવા માગો છો. જો તેમ છતાં, સ્રાવ ખૂબ જ દુર્ગંધયુક્ત બને છે અથવા રંગ લીલો થઈ જાય છે, તો તમારે તમારા GPની સલાહ લેવી જોઈએ, કારણ કે આ યોનિમાર્ગના ચેપની નિશાની હોઈ શકે છે.
ગર્ભાવસ્થામાં થ્રશ (કેન્ડીડા આલ્બિકન્સ) સામાન્ય છે. થ્રશના લક્ષણોમાં; યોનિમાર્ગમાં સ્રાવ જે જાડા, સફેદ (અથવા ગુલાબી આભાસ વાળો) હોય છે અને ખૂબ જ ખંજવાળ આવેવવી નો સમાવેશ થાય છે. તમારા GP અથવા દાયણની સલાહ લો કારણ કે યોનિમાર્ગ પેસરી અને ક્રીમ વડે થ્રશની સારવાર કરવી સરળ છે.
અનૈચ્છિક પેશાબ અથવા મળની તકલીફ મહિલાઓને ગર્ભાવસ્થા દરમિયાન અને તેના પછી તરત જ અસર કરી શકે છે પેડુ પર હોર્મોન્સની અસર અને બાળકના વધતા દબાણને કારણે આ થઈ શકે છે. સ્ત્રીઓને ઉધરસ, હસવું, છીંક કે અચાનક હલનચલન કરતી વખતે થોડી માત્રામાં પેશાબ નીકળી શકે છે.
જો આવું થાય, તો સૌ પ્રથમ તમારે દરરોજ તમારી પેડુની કસરતો શરૂ કરવી. તમે જ્યારે ખાંસી ખાઓ, છીંકો, વજન ઉપાડો, હસો ત્યારે તમારાં પેડુનાં સ્નાયુઓને સંકોચવાથી આમાં મદદ મળે છે.
જો સગર્ભાવસ્થા દરમિયાન અથવા ગર્ભાવસ્થાના છ અઠવાડિયાથી વધુ સમય પછી લક્ષણો ચાલુ રહે તો, તમારા જીપીને નિષ્ણાત સહાય માટે તમને મોકલવા માટે કહો. અસંયમને રોકવા અને/અથવા તેની સારવાર માટે ગર્ભાવસ્થા દરમિયાન તમામ મહિલાઓને તેમના પેડુ અને તેના સ્નાયુઓને મજબૂત કરવાની ભલામણ કરવામાં આવે છે.
ગર્ભાવસ્થા દરમિયાન અને/અથવા તમારા બાળકના જન્મ પછી છાતીના દુખાવાની ક્યારેય pn અવગણના ન કરવી જોઈએ. કેટલાક છાતીમાં દુખાવો ગંભીર હોઈ શકે છે અને તે હાર્ટ એટેક, હાર્ટ ફેલ્યોર(દિલનું ધબકારા રોકાય જવું), કાર્ડિયાક અરેસ્ટ(હૃદયની ગતિ રોકાવું) અથવા તો મૃત્યુ તરફ દોરી શકે છે. ગર્ભાવસ્થા દરમિયાન અથવા પછી મોટાભાગની મહિલાઓ આ સમસ્યાઓથી પીડાતી નથી પરંતુ લક્ષણો ઓળખવા અને, જો તમને તેમાંથી કોઈ હોય, તો ઝડપથી સારવાર લેવી મહત્વપૂર્ણ છે.
હોર્મોનનાં ફેરફારોને કારણે માથાનો દુખાવો વધી શકે છે. પુષ્કળ પાણી પીવો, આરામ કરો અને જો જરૂરી હોય તો પેરાસિટામોલ (1 ગ્રામ) લો.
જો તમે ગંભીર માથાનો દુખાવો અનુભવો છો (દ્રષ્ટિની સમસ્યા સાથે/વિના) જે શરીરમાં પાણી અને બીજાં પ્રવાહીનું સ્તર સાચવી રાખવાથી, આરામ કરવાથી અને પેરાસિટામોલથી ઉકેલાતા નથી, તો તમે તમારા ડૉક્ટર કે દાયણનો સંપર્ક કરો 
