ગર્ભાવસ્થા દરમિયાન (માતા અથવા બાળકને અસર કરતી) ગૂંચવણો ઊભી થઈ શકે છે તેના કારણે, પ્રીટર્મ લેબરના પરિણામે અથવા બાળકનાં વહેલા જન્મની ભલામણ કરવામાં આવી હોવાને કારણે બાળક મુદત પહેલાં જન્મી શકે છે.ઘણા કિસ્સાઓમાં, તે સ્પષ્ટ નથી હોતું કે શા માટે પ્રસૂતિની પીડા વહેલી શરૂ થાય છે, જો કે પ્રિટરમ લેબરનું જોખમ વધારવા માટે જાણીતા પરિબળોમાં નીચેનાનો સમાવેશ થાય છે;
કેટલાક ચેપ, જેમ કે પેશાબની નળીનો ચેપ, અથવા ગર્ભને આવરી લેતી પટલની સોજો જે બાળકનું રક્ષણ કરતું પટલ અને એમ્નિઅટિક પ્રવાહીને અસર કરે છે
બહુવિધ ગર્ભાવસ્થા (સરેરાશ જોડિયા ગર્ભાવસ્થાની લંબાઈ 37 અઠવાડિયા હોય છે, અને સરેરાશ ત્રિપુટી ગર્ભાવસ્થા 33 અઠવાડિયાની હોય છે)
અગાઉની મુદત પહેલાંની ડિલિવરી (પ્રસૂતિ)
પ્લેસેન્ટા કે જે ‘નીચાણવાળા’ હોય (એટલે કે તે સર્વિક્સ (યોનિમાર્ગની નળી)ને આંશિક રીતે અથવા સંપૂર્ણપણે આવરી લે છે) અથવા પ્લેસેન્ટલ એબ્રેશન (એટલે કે પ્લેસેન્ટા (નાળ) ગર્ભાશયની દિવાલથી અલગ થવાનું શરૂ કરે છે)
માતાની તબીબી સ્થિતિઓ જેવી કે ડાયાબિટીસ અથવા બળતરા સાથે સંકળાયેલ (દા.ત. ક્રોહન રોગ)
ધૂમ્રપાન કરવું, દારૂ પીવો અથવા ગેરકાયદેસર નશીલા પદાર્થોનો ઉપયોગ કરવો
લો બોડી માસ ઇન્ડેક્સ (એવું વજન કે જે તમારી ઊંચાઈ માટે ઓછું માનવામાં આવે છે)
અસામાન્ય સર્વાઇકલ કોષોને દૂર કરવા માટે બાયોપ્સી અથવા LLETZ સારવાર
સબફર્ટિલિટી સારવાર હેઠળ હોવું
નબળા (ટૂંકા) સર્વિક્સ ((યોનિમાર્ગનું નળી) હોવું જે ગર્ભાવસ્થા દરમિયાન ખુલી શકે છે
પોલિહાઇડ્રેમનીઓસ (અતિશય એમ્નિઅટિક પ્રવાહી)
ગર્ભાવસ્થાના ઇન્ટ્રાહેપેટિક કોલેસ્ટેસિસ (તમારા યકૃત (લીવર)ને અસર કરતી ગર્ભાવસ્થાની સ્થિતિ)
ગર્ભાશયના આકારની અસાધારણતા
અગાઉના અંતમાં કસુવાવડ (14 અઠવાડિયા પછી) અથવા આ ગર્ભાવસ્થામાં 14 અઠવાડિયા પછી યોનિમાર્ગમાં રક્તસ્રાવ થવો
અગાઉ સર્વિક્સ (યોનિમાર્ગનાં નળી)ના સંપૂર્ણ વિસ્તરણ સમયે સિઝેરિયન (શસ્ત્રક્રિયા) દ્વારા બાળકને જન્મ આપ્યો હતો.
કેટલીકવાર, તમારી ગર્ભાવસ્થા દરમિયાન તમને ગૂંચવણો ઊભી થઈ શકે છે અને તમારા હેલ્થકેર પ્રોફેશનલ (સ્વાસ્થ્યની કાળજી રાખનાર વ્યાવસાયિક) પ્રિટરમ ડિલિવરી (મુદત પહેલાં પ્રસૂતિ)ની ભલામણ કરી શકે છે. પ્રિટરમ ડિલિવરી (મુદત પહેલાં પ્રસૂતિ)ની જરૂર પડી શકે તેવી પરિસ્થિતિઓના ઉદાહરણોમાં નીચેનાનો સમાવેશ થાય છે:
મધ્યમથી ગંભીર પ્રી-એક્લેમ્પસિયા (ગર્ભાવસ્થાની સ્થિતિ જે હાઈ બ્લડ પ્રેશર (ઉચ્ચ રક્ત દબાવ)નું કારણ બને છે જે તમારા કેટલાક આંતરિક અવયવોને પણ અસર કરી શકે છે)
ખરાબ રીતે નિયંત્રિત ડાયાબિટીસ
ઇન્ટ્રાઉટેરિન વૃદ્ધિ પ્રતિબંધ (જ્યારે તમારા બાળકની વૃદ્ધિ ધીમી પડે છે અથવા અટકે છે)
જો તમારી પાણીની કોથળી વહેલી તૂટે છે અને તમને ચેપ લાગી રહ્યો છે
ગર્ભાવસ્થાની અન્ય તબીબી ગૂંચવણો.
જે મહિલાઓને આપેલ મુદત પહેલાં પ્રસૂતિની પીડા શરૂ થવાનું જોખમ માનવામાં આવે છે તેઓને શક્ય હોય ત્યાં સુધી સગર્ભાવસ્થા જાળવી રાખવા માટે સારવાર આપવામાં આવી શકે છે.
શું આપેલ મુદત પહેલાં પ્રસૂતિની પીડા અને જન્મ અટકાવી શકાય છે?
કેટલીકવાર પ્રીટર્મ લેબર (આપેલ મુદત પહેલાં પ્રસૂતિ)ની આગાહી કરી શકાય છે, ખાસ કરીને જો આપેલ મુદત પહેલાં બાળકનાં જન્મનો ઇતિહાસ હોય અથવા નિયમિત સ્કેન એપોઇન્ટમેન્ટ દરમિયાન તમારું સર્વિક્સ ટૂંકું હોવાનું જણાયું હોય અથવા તમારા સર્વિક્સની અગાઉની સર્જરીને કારણે તમને મુદત પહેલાંનાં જન્મની ક્લિનિકમાં જોવામાં આવે. જો તમારી સર્વિક્સ ટૂંકી હોવાનું જણાય છે, તો તમારા વહેલા જન્મના જોખમને ઘટાડવા માટે તમને વિશેષ દવા અથવા સર્વાઇકલ ટાંકા ઓફર કરવામાં આવી શકે છે.
ગર્ભાવસ્થા દરમિયાન (માતા અથવા બાળકને અસર કરતી) ગૂંચવણો ઊભી થઈ શકે છે તેના કારણે, પ્રીટર્મ લેબરના પરિણામે અથવા બાળકનાં વહેલા જન્મની ભલામણ કરવામાં આવી હોવાને કારણે બાળક મુદત પહેલાં જન્મી શકે છે.
ઘણા કિસ્સાઓમાં, તે સ્પષ્ટ નથી હોતું કે શા માટે પ્રસૂતિની પીડા વહેલી શરૂ થાય છે, જો કે પ્રિટરમ લેબરનું જોખમ વધારવા માટે જાણીતા પરિબળોમાં નીચેનાનો સમાવેશ થાય છે;
